حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 لا تحرمى بشرتك من هذا اللوشن الخرافى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 46
تاريخ التسجيل : 18/05/2008

مُساهمةموضوع: لا تحرمى بشرتك من هذا اللوشن الخرافى   الأحد أغسطس 24, 2008 6:30 pm

ونا قاعد بأزأز فى كوز درة فى يوم من الايام على شط النيل ...والهوا يخبط
فى افايا بالليل .....جت فكرة غريبة فى دماغ حكيم زمانه رفعنا
العلم.....قلت للراجل يا حج ادينى كوز درة مش مشوى بس طرى كدة و بن
حلال..بص لى كدة وحملق فى عينى ..وقالى لى هتعملبه ايه يا باشا ؟؟؟قلت له
و الله مهشوى فى المنطقة ..قالى مش سكتك ياباشا ..قلت له معلش ..اذا كان
مجلس الشورى اتحرق .....مش هبيع انا درة ....المهم الراجل ادانى كوز درة
طرى و ميه ميه ...
شافتنى المودام داخل بكوز الدرة ....حمبقت فى وجهى
وطبعا حمبقت غير حمقلت ...قالت لى يا حكيم زمانك هتغير المهنة فى
الباسابورت و لا ايه ...؟؟؟قلتلها ..لا دى الدرة فى البيت حاجة حلوة و خير
...وبتجيب السعد ...قالت لى ماشى يا حكيم ...لما نشوف اخرتها معاك ......
خدت
الدرايه و نضفتها ..و فصصتها .....اتوغوشت المودام ...قالت لى يا حكيم فى
ايه ؟؟؟قلت لها خير ان شاء الله ...حطيت الدرة فى الخلاط ...وعملت لوشن
النهاردة .......هقولكم تعملوه ازاى بس ركزو معايا ...اللوشن ده عجيب
...ومش عارف فكرته جاتلى ازاى ..اول مرة ساعتها اصدق انى ....حكيم زمانه و
مشكله عصره و اوانه ..علشان كدة دايما اقول التركيبات دى علم و فن و موهبه
....ونا طبعا الواد الموهوب ....
الطريقه الذريه ...:من الذرة مش من الذررررررة
فصصى كوز درة غض و طرى و صغير كدة مش شايخ ....
اضيفى اليه كوب من اللبن ...من غير ما تغليه ..بس ممكن تفلتريه فى شاشة او كدة ..
ضعى المخلوط فى الخلاط و اضربيه ضربا مبرحا ..حتى يستغيث ......
اضيفى له معلقة كبيرة ماء ورد نقى طبيعى و غير مغشوش
اضيفى له ملعقة عسل طبيعى و غير مسخن كبيرة

____امامك الآن خياران ....
الاول : استخدميه كسكروب ..للبشرة و الوجه ....و الرقبه ...من غير فلترة
ثانيا
: فلتريه ...و اغمسيه فى قطنه كبيرة من اللى بستخدم فى مسح المكياج
الدائريه ....والطعيها على وجهك ....قطعه قطعه ......واتركيه ..ز كلما
احسست بسخونته اى امتص من بشرتك الحرارة ...استبدليها بغيرها ....حتى ياتى
زوجك ...ويفرغ فيكى ...زهقه و قرفه ...هههه آسف قصدى حتى تحسى ببشرة جديدة
و جميله ....غير مجهدة ....استخدميه تحت العين ايضا ....على الرقبه ..تحت
الكنبة ...سورى تحت الذقن ...

احلمى انك قابلتى اشهر انسان فى العالم ..مثلا كدة حكيم زمانه ...واستغرقى فى حلمك ..و نا هقوم انام باة ..واسيبك تغرقى براحتك ...
فعلا .....لوشن .....لم يسبق من قبل ..
شكرا لكم
د.حكيم زمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
لا تحرمى بشرتك من هذا اللوشن الخرافى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات البشرة-
انتقل الى: