حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 وصفة حكيم زمانه للقولون العصبى و المتعصبين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: وصفة حكيم زمانه للقولون العصبى و المتعصبين   الأحد أغسطس 24, 2008 6:40 pm

القولون العصبى قام على الراجل ...رمى على مراته اليمين ..بس الحمد لله
مجاش فيها ...و آخر هاج عليه قولونه فاخذ يهذى ((راجعو معناها فى معجم
الخبير فى كلام العبد الفقير)) و بعد ما اخذ يهذى ...رجعه تانى ....اصل
تقريبا يهذى كان قريبه ....وفى كتاب شرب عصير القصبى ..لنسف القولون
العصبى ...قال مؤلفه الحاج زعزوعة بن معصور التفلى ...كنت أمر يوما برجل
فرايته يقطع فى هدومه ...فقلت فى نفسى ..اجنى هذا ام انسى ...فقال ضحية
القولون يا صاحبى ...وعاوز دكتور اجنبى ..فاشفقت على حاله ..وقد انفق على
القولون امواله ....فاهديته كيس قصب بالشاليمو ...وقلت هذا شفاؤك فيما
ازعمو...فابتسم و ضحك ..وقال جتك خيبة يا فتك...
كل ده من القولون
العصبى ....قصص و حكايات ..و عاهات و آافات ..و ابر و فلايات ....وكمان
كيس سكر نبات ...وشعبطة فى الاتوبيسات ...وادينى و متقولشى هات
....الموضوع كبير يا جماعة ...لازم نتريث فى كل خطوة فيه ..لانه جواز و
مسئوليه برضو ...هوة ايه ده ...قصدى قولون و عصبية ..و لازم نشوف حل
للحكاية دهية .....
و الشعب المصرى من اكثر شعوب العالم اصابة بالقولون
العصبى ....و باقعد افكر كدة و اقول ..ازاى ؟؟؟و ليه ؟؟؟؟و متى ؟؟؟و اين
؟؟؟؟و لم ؟؟؟و لن ؟؟؟و حتى ؟؟؟و ثم ؟؟و اصبح ؟؟و امسى ؟؟؟؟ولمن ؟؟؟و لكن
؟؟؟و الباء؟؟؟و النون ؟؟؟و العقل المجنون ......وفى الآخر اقول ..حسبى
الله و نعم الوكيل فيك يا بونابرت .....لانك لما سبت مصر ....انا انقهرت
الموضوع
سهل صح؟؟؟؟و باذن الله مع هذه التركيبة هيكون كل شىء اسهل و احلى ......و
الجياة بقى لونها بنبى ....و انا جنبك و انت سرقت جنبى ....طب رجعه باة ..
تركيبة
اليوم لمرضى القولون العصبى ...مضادة للتقلص و مهدئة ...ومضاده للانتفاخ و
طارد للغازات المسيله للدماء ...قصدى غازات البطن ..و مضادة لتخمر الغذاء
....حاجة و الله جميلة و مجربه على كذا ميت ...قصدى مريض قولون عصبى ......
تتركب التركيبة مما يلى

حشيشة النحل و تسمى الميليسا او الترنجان ((مش البتنجان)) بنسبة %20
النعناع الفلفلى .....وده غير النعناع البلدى العادى لانه بيحتوى على المنثول اللى حضراتكم ...مش عارفينه برضو بنسبة %20
البابونج اللى بيسموه الشيح او الكاموميل ....من اقوى و اجمل مهدئات القولون و المزاج عموما بس ياريت يكون طازة برضو بنسبة %20
الشمر ..اجمل الاعشاب لطرد الغازات و تهدئة القولون بنسبة %20
حبة البركة ...البركة بعينها فى الحبة دى ..بنسبة % 20
...اخلط
..طبعا راجل لانه جاله القولون العصبى من الوليه ..امال يعنى القولون
العصبى اتعمل ليه ...اخلط الاعشاب جيدا طبعا مجروشة جرشة خفيفة ...ضعها فى
بطرمان زجاجى ...
استعمل ملء معلقة صغيرة .....اغلى 100 مل ماء و اسكبه
على الاعشاب ...اتركه ربع ساعه مع تغطية الاناء ....اشربه بعد كل وجبه
....لمدة ثلاثة اسابيع ...وتمتع بقولون هادىء .....غير منتفخ و لا متجعلص
.....وكمل جميلك باة و زحلق الوليه ...لترتاح على الآخرررررررررررررررررررر
شكرا لكم جدا ....وصبركم الله على بلواكم بى

د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
bentelbalad
عضو نشيط
عضو نشيط


عدد الرسائل : 95
تاريخ التسجيل : 23/05/2008

مُساهمةموضوع: رد: وصفة حكيم زمانه للقولون العصبى و المتعصبين   الخميس سبتمبر 25, 2008 9:52 pm

اقوى حاجة جابت معايا نتيجة يا دوكتور مع الكبسولات اللى نصحتنى بيها فى الجروب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وصفة حكيم زمانه للقولون العصبى و المتعصبين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات علاجية عامة-
انتقل الى: