حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 نضارة فورية و نقول للتجاعيد العبى بعيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: نضارة فورية و نقول للتجاعيد العبى بعيد   الأحد أغسطس 24, 2008 6:47 pm

الحريم خايف من التجاعيد ...وبالذات حريم الايام الرخا دى ...لان الحمد
لله لا فى ضغوط و لا الست بتشرب المر فى البيت ..و لا بتتشعبط فى
الاتوبيسات ..و لا بتنشر فى البلكونات ...و لا بتجرى عشانتلحق المترو اللى
فات ..و لا ابوك السقا مات ..
وسبحان الله الست اليوميندول فى هذا
الرخا اللى محصلشى ..اول متدخل فى التلاتين تلاقيها لبست الوش البلاستيك
..وخطوة خطوة الوش الخشب و صولا الى الوش الصفيح حتى تتحول الى المرأة
الحديدية ..ثم المرأة الخارقة ثم المرأة الفولاذية ...ثم المراة
الامبرياليه التعسفيه ...وده طبعا جراء الرخا الى فاض و زاد على العباد...
و
الراجل معذور يا جماعة كل ميفتح التلفاز او يبص من الازاز ...او حتى يمشى
فى ميدان الحجاز ...يشوف حاجات مشفهاش قبل كدة ..يفكر و يحط فى نفسه
المسكين ....و يقول هوة احنا فين ...بس يرجع ويقول ..الحمد لله رب
العالمين ..و غير سترك يا رب مش عاوزين
جبت لكم اليوم ايها الحريم
الخائف من التجاعيد ..خبر هيخلى كل راجل فى بيته سعيد ....لا هيبص من ورا
الازاز ..و لا حتى هيسأل فى ميدان الحجاز ...ماسك جميل جدا ..فيه جميع
مغذيات البشرة و منعشات البشرة و منظفات البشرة ..و ومنضرات البشرة ..هوة
كله بشرة بشرة مفيش جديد يا حكيم ..
ركزى معايه.. لانى هجيب من النهايه ...وهخليى من وشك الخشب حكايه ..هههههههه بهزر طبعا
كنت
عاوز اتكلم عن التجاعيد معناها و سببها بس حكايه ادهم الشرقاوى خلصت
المكان ..ببساطة نقص فى المرونه لنقص فى الكولاجين لاسباب كتيرة معظمها
موجود بحمد الله فى الايام الرخا دى ...وهندى للبشرة ما تحتاجه هنا
يتكون الماسك من التالى
نصف
فنجان كريمة حلويات ..اه كريمة حلويات اصلك لو تعرفى تركيبها مش هتكليها و
بس لا طبعا هتحطيها فى كل ماسكاتك ..دهون و بروتين و ليثيسن و غيره ...
عدد 1 موزة كبيرة الحجم مقشرة طبعا
معلقة صغيرة مطحون بتلات الورد البلدى بس طحنة حرير زيرو
ملعقة صغيرة نعناع فلفلى وده عند العطارين مطحون زيرو حرير
معلقة صغيرة زيت جنين القمح الطبيعى الطازج
***ضيفى الكريمة للزيت و الموزة و اخفقيهم تمام زى الكريم كدة
اضيفى البودرة الجافة الورد و النعناع يعنى و اخلطيهم مع الكريمة السابقة جيدا
ضعيه على وجهك و رقبتك طبعا بعيد عن العين ..ممكن تحت العين برضو للانتفاخات ....و اتركيه ربع ساعه
اشطفيه بحنيه معلش بس اصله ماسك متكلف ...
***استخدميه مرتين اسبوعيا ......ولو عروسة قصدى على وش جواز ...لن تجدى له منافسا لا الحمام المغربى و ل الماسك الفلبينى ...
...فى ناس بتحب تتريأ ..قبل متتريئى..جربيه بس ..وان مقولتيش ...يا حكيم ....بكل ماسكاتك اهيم ....مبقاش حكيم البلد دى هههههه
شكرا جدا ليكم و لتحملكم رغييى الغريب ده ..اوف حاجة تزهق
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
yara
عضوجديد
عضوجديد


عدد الرسائل : 68
تاريخ التسجيل : 14/06/2008

مُساهمةموضوع: رد: نضارة فورية و نقول للتجاعيد العبى بعيد   الخميس سبتمبر 25, 2008 1:38 am

نفسى اعرف حضرتك بتخترع الحاجات دى ازاى هههههههههههههه و لا القصة و السيناريو انته رهيب يا دوكتور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bentelbalad
عضو نشيط
عضو نشيط


عدد الرسائل : 95
تاريخ التسجيل : 23/05/2008

مُساهمةموضوع: رد: نضارة فورية و نقول للتجاعيد العبى بعيد   الخميس سبتمبر 25, 2008 9:51 pm

ههههههههههههههه اه والله يا يارا حكيم ده روعة وعلم وفكاهة ربنا يخليه للامة العربية هههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نضارة فورية و نقول للتجاعيد العبى بعيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات التجاعيد-
انتقل الى: