حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 للشعر الجاف و حكيمو اضاف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: للشعر الجاف و حكيمو اضاف   الأحد أغسطس 24, 2008 6:48 pm

ازيكم يا احلى جروب فى الوسط الاشرق ..و الله بقيت متعلق بيكم قوى...اكتر
من تعلق الغرقان بالقشة...والكارونة بالعفشة...عفشة ايه بس يا عم حكيم
..خلاص تعلق المصران بالفشة...لا اله الا الله....هوة احنا فى مصمت يا
حكيم..اقول ايه بس مش عارف اوصفلكم فرحتى ليلة دخلتى ..قصدى يوم مبشوفكم
مبسوطين ..ربنا يفرحكم جميعا وتاخدو اعلى الشهادات وتخصلو الابتدائية
العامة ....آمين يا رب
كل مقابل بنت تقولى يا عم حكيم الشعر الجاف
..ادخل حارة يقولولى الشعر الجاف ..ادخل بيتى ..الشعر الجاف ...قلتلهم هوة
انا وزير الرى و الاستسكان ..دى شوطة باة ..الجفاف عم يا رجاله ...فين
وزير العدل و المواصلات ..ووزير الزرع و التنقيط ....ووزير الشعر و
الحلاقة ...كل الوزارات دى قفلت و سابتنى فى مواجهة الشعب الأعزب ..او
الاعزل ..هوة المذيع كان بيقول حاجة زى كدة ...انا لقطتها وكنت بحلق بيوم
..اسف ...بحلق فى صالون غاز....قصدى اسطوانة حلاقة ..لأ ده الوقت اتاخر و
الفيوزات تقريبا ..........جفت
مشكله جفاف الشعر مشكله سيطرت على كيان
بنات مصر ...حتى فى الاحلام ...بنت نامت مرة سمعت شعرها بيقول ...اغيثونى
...دول من كتر الصبغة ...نشفونى ...اخرى تحكى فى برنامج رطبلى حياتى
..وعينها تقطر ماء مقطر ..قصدى دمعا حارا ..تقول للمذيع ..الحقنى شعرى من
كترك حبك جف ..وشكلك على قلبى هف ..طبعا المذيع مصدق ..وادالها هديه ليفه
غسيل ..من شعر احدى المتسابقات .متهيالى ضحكتو كتير ...اروح انا بأة لامى
احسن تقلق عليا ...أأأأأأأأأأأأأخ نسيت الموضوع ..طيب
كنت اديت كم وصفة
لعلاج الشعر الجاف ...وكم ماسك ...اضيف هنا ..لوسيون مرطب جدا ممكن تعمليه
...مع دهان جميل جدا ...كنت اديتهم لبنت زماااااااااااااااان ...بس الحمد
لله المحامى بتاعى كان شاطر و خدت براءة ههههههه
*التركيبة الاولى :
لوسيون خلاصات اعشاب مرطب جدا للشعر يتكون من الاتى :
20 جم سنامكى قرون مطحونة
20 جم روزمارى مطحون
20 جم مريمية مطحونه
20 جم عرق سوس مطحون
لتر ماء
نخلط
الاعشاب ....نضيفهم للماء ...نضعهم على نار هادية جدا ...لمدة ساعة
.....صفى الاعشاب جيدا ..اعصرى قماشة التصفيه لاستخلاص كل المواد الفعالة
و خاصة الالبيومينيه المرطبه ...ضعيها فى زجاجة فى الثلاجة لانها ستفسد
خارجها لعدم وجود مادة حافظة ...يمكن اضافة صبغة الجاوى بمعدل 1 مل لكل
100 مل كمادة حافظة مؤقته ....
*استخدميها كلوسيون رائع لكل الشعرة و
الفروة و اطراف الشعرة ...واستمرى عليها يوميا لمدة اسبوعين ..و احسى
بالفرق...البنت اقسمت لى انها لم تحتج معها لزييت ......
_________
التركيبة التانية من برنامج ترطيب الشعر و علاج جفافه
*125 مل زيت ذرة
*125 زيت زيتون نقى
*ثلاث ملاعق كبيرة جل صبار ..الجل اللى جوة ورقه الصبار
اخلطى الزيوت
ضعى الجل فى الزيت
ضعى الخليط فى حمام مائى لمدة ثلاث ساعات
ضعى الناتج فى زجاجة بعد تصفيه خفيفه ..
استخدميه كحمام زيت دافىء يوم بعد يوم
او مرتين اسبوعيا .....و لا حظى لمعان شعرك و رطوبته ...
_________
اتمنى اكون افدتكم ..و ليكن شعارنا ......ولا جفاف .............للسيدات
د.زمين حكامه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
للشعر الجاف و حكيمو اضاف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات الشعر-
انتقل الى: