حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 نروح المصيف ومعانا حكيمو صن بلوك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 46
تاريخ التسجيل : 18/05/2008

مُساهمةموضوع: نروح المصيف ومعانا حكيمو صن بلوك   الإثنين أغسطس 25, 2008 3:18 pm

حلوة حكيمو سن بلوك دى و الله ...انا مش عارف الولد ده بيجيب الافكار دى
منين ...ربنا يحميه لشبابه ههههههه...اللى هوة شبابى ..خلو بالكم ..عضوة
محترمة فى الجروب بتقول لى شركات التجميل هتطلبك يا حكيم حيا او ميتا
....ولقد اتصل بى امس متكلم هددنى تهديدا شديدا ..وقال يا حكيم ...دعك من
التركيبات ..والا ستكون فى عداد الاموات ..قلت له مش هتفرق يا حج ..فساظهر
قريبا فى القنوات ..وستدعلى كل الامهات ..ومن قبلها البنات ..وربنا باذن
الله سيمكننى من الافلات..حكيم زمانه قلب شاعر ..
اذا دعكم من هذا و لندخل فى مسلح الموضوع ..قصدى صلب الموضوع ..احسن عزو يزعل منى ..
**تركيبة
خفيفة و اقى من الشمس و كنت بعت واحدة تانيه بس طنط ام شعبان قالت لى مش
عارف اعملها يا حكيم يا حبيبى ...قلت لها عينى ليكى يا طنط دى اسهل ...
خدوها منى :
90 مل زيت سمسم نقى جدا
45 مل زيت زيتون نقى برضو
42 جم شمع استحلاب
120 مل ماء مقطر
6 ملاعق صغيرة زنك اكسيد اللى هوة اكسيد الزنك النقى من الصيدليه
3 ملاعق صغيرة زيت جنين قمح
الطريقه:
هتخلطى
الزيوت مع الشمع فى حمام مائى لحد متبقى درجة حرارته سخنه شويه بتلسع يعنى
..شيليه و اضيفى الماء و قلبى حتى يصبح قوام ناعم و تقيل ..ثم اضيفى اكسيد
الزنك بالتدريج ...حتى تحصلى على قوام مناسب ... ..و بالهنا و الشفا
...قصدى وجلدا سعيدا ..مش عارف ارتبكت ليه ..
***بعد متطلع سيادتك او
سيادتك من البحر ...وبتمنى من الجميع مينزلوش البحر الا فى حته بعيد عن
الانظار مش فى الزحمة يعنى ..كل واحد ياخد بيته و يقعد فى حته منعزلة كدة
منعا للاحتراق..قصدى للاختلاط..طبعا بشرة حضراتكم احمرت و اغمقت ..و انا
مطالب انى اوفرلكم مرتبات ...قصدى حاجة تعالج ...تركيبة بسيطة كدة
....علشان اللى سالونى برضو ..
بياض بيضه طبعا مش مسلوقة ههه
قليل من عصير الخيار او حتى الخيار المعجون
قليل من التفاح المعجون
قليل من جل الصبار
قليل من نشا البطاطس او الدرة حتى تحصلى على قوام ماسك جيد
نقاط خفيفة من زيت اللافندر الاساسى
....هتعجنيها عادى و تخلطيها و تقللى و تزودى حتى تحصلى على ماسك و بعدين تضيفى نقاط اللافندر
****الماسك
ده فيه كل ملطفات البشرة و مضادات الحرق و مضادات الالتهاب و كمان التفاح
فيه الماليك اسيد ده الفاهيدروكسى علشان متقولوش حكيم بدا يعجن..و النشا
مضاد رائع للالتهاب ...الخيار مش محتاج كلام اللافندر عايز يوم احكى لكو
عليه ...
*****متهبالى عملت اللى عليا ...واقى شمس ..وماسك بعد الشمس ...و اتقتل انا علشان خاطركم

صلو باة على النبى ...عليه الصلاة و السلام
وشكرا ليكم
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
sesm



عدد الرسائل : 1
تاريخ التسجيل : 07/12/2009

مُساهمةموضوع: رد: نروح المصيف ومعانا حكيمو صن بلوك   الإثنين ديسمبر 07, 2009 4:55 pm

جزاك الله خيرا يا حكيم الزمان وجعلة الله في ميزان حسناتك علي هذا المجهود
بس ممكن اسال اية هو شمع الاستحلاب ويتجاب منين
معليش ممكن اسال كمان علي اقراص الزنجبيل والبالميت المنشاري ممكن يتباعوا فين
ارجو الرد وجزاك الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نروح المصيف ومعانا حكيمو صن بلوك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات الجسم-
انتقل الى: