حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 النقرس و سنينه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: النقرس و سنينه   الإثنين أغسطس 25, 2008 3:28 pm

طبعا بما اننا شعب ثرى جدا ...ومرتاح جدا و مرفه جدا ...ومعاه فلوس جدا
...وطالع عينه جدا ..طالع عينه من الفرحة و الضحك يعنى ..أحسن تفهمونى غلط
لا سمح الله ..بما اننا هذا الرجل ...وكلنا هذا الرجل ..فطبعا بناكل لحوم
و بوفتيك و كباب و حاجات من دى كتير ...طبعا مهو الفلوس كتير ..هنوديها
فين بس .. بنلاقى كتير قوى من الشعب الغنى الثرى المرتاح ده ..بيشتكى من
داء الملوك اللى بنسميه النقرس ..فحبيت اشارك ببعض النصائح و ادلى بدلو
((عبارة جامدة صح؟؟)) هذا المجال ..علم الاعشاب ..فى هذا الباب
وحبيت بس اعمل هنت خفيف على هذا المرض ...
*النقرس خلل وظيفى فى طرد حمض البوليك او زيادة فى انتاجه فى الجسم بطريقه بيوكيميائة معينه
*ينشأ
جراء ذلك ..يا عينى على جراء ذلك دى ..ترسب بللورات حمض البوليك فى
المفاصل ...اى مفاصل و لكن غالبا فى القدم و اصابعها و الكعب ..والركب
..او غيرها
*يسبب ذلك نوبات الم شديدة و ممكن تورم و ممكن احمرار بل ممكن كمان ارتفاع ملحوظ فى درجة الحرارة ..لحد يمكن 39 وارد ذلك
*استشر
طبيبك لمعرفة هل انت مصاب بالنقرس ام لا اذا اصبت باحد هذه الاعراض ...ويا
جماعة دايما اقول ...لا تاخذ ادوية او اعشاب فى حالات المرضيه التى تحتاج
فحص الا بعد الفحص ..طبعا الا فى بعض الحالت المعروفه والتى يفهمها
الصيادلة ((الشاطرين)) و منين نجيب ناس ...خلاص احسن الناس تزعل
*قلل
من تناول المواد التى تتحول لحمض بوليك فى جسمك زى البقول العالية
البروتين و اللحوم الحمراء و لحم الاوز منهم ...وطبعا الشعب غرقان فى
الوز...قلل من المشروبات السودة ...اى و الله السودة ..زى البيبسى و
الكولا لانها تحتوى على كافيين و ده بيتحول لنفس المنج ...طبعا مفيش
كحوليات و الحمد لله محرمة فى ديننا ..
*اشرب سوائل مفيدة كثرا و
اجملها مشروب الشعير ...وفى دلوقتى الفيروز كويس ...مع اعتراضى مع بعض
الاضافات اللى فيه وبرضو على الاعلان بتاعه هههههه..اعلان كان صعب يا
جماعة على الشباب ..ده الاعلان لوحده يجيب النقرس هههههه..
*جبت لكم تركيبه كنت ركبتها بقى لى بتاع متين سنه ..ايام طفولتى هههه..قويه جدا و الله ...تركيبة بعلم قوى فعلا ...فيها
#بذور الكرفس ..اقوى مذيب لحمض البوليك و بللوراته بنسبه 30%
#جذور الارقطيون اقوى مدر للبول و منظف و مذيب لليوريك اسيد طبيعى و معروف فى العالم المتحضر ((مش احنا طبعا)) بنسبة 30%
#حبة
البركة ...مدر للبول ومنظف و مقوى للمناعة و مذيب لاملاح البوليك اسيد ومش
محتاجة كلام ...ونفسى اقولكم اد ايه الحبه دى فعلا مباركة و مفيدة
...وباذن الله هبقى اكلمكم على احدث التجارب اللى العالم المتحضر بيشتغل
فيه على هذه الحبه..بنسبة 20%
#بذور الشمر ...الجميله يا سلام على
الشمر ده ..مدر للبول جميل ..ومنظف لمجرى البول و معقم بما يحتويه من زيوت
طيارة رائعه ..بنسبة 20%
***تطحن المكونات ثم تخلط ...و تؤخذ كشاى يومى ثلاث مرات ..ملعقة كبيرة على كوب ماء يغلى ..و يترك مغطى ربع ساعة و يشرب كما قلنا
***ملحوظة
هامة جدا : يحدث فى بدايه استخدام التركيبة زيادة فى الالم نظرا لتحرك
الكريستالات البللورات يعنى ..احسن فى الجروب ناس فى طب و صيدلة ياكلو وشى
...ثم يتبع ذلك زوال الالم و البللورات ..
***العلاج التقليدى للنقرس
فوار يوروسولفين يحتوى على خلاصة نبات اسمه اللحلاح ..اللى هوة يا طلبه
الكولشيسين ...علشان تعرفو ان العلاجات الحاليه فيها كتير قوى خلاصات جافة
..دى خلاصة جافة فى قاعدة فوار للى مذاكرين سيوتكس كويس ...طبعا بيدو معاه
مضاد للالتهاب غير كورتيزونى ايا كان و لذلك انصح مع هذه التركيبة
باستخدام مضاد التهاب طبيعى رائع وهو مكون من الزنجبيل مع الكركم بنسه
واحد الى واحد.....اروع برنامج للمرض ده ...من حكيم زمانه ...و الجايات
اكتر من الرايحات ...وشكرا لكم
د.حكيم زمانوف
اصل الكورس الروسى لسه مخلصشى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
النقرس و سنينه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات علاجية عامة-
انتقل الى: