حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 الأعشاب ...و الشعر الأبيض

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: الأعشاب ...و الشعر الأبيض   الثلاثاء سبتمبر 02, 2008 12:38 pm

السلام
عليكم اعضاءنا الكرام ..اتمنى يكون رمضان شغال معاكم تمام ومية مية و
ميكونشى فى تراشق بالحلل او حتى المعالق..ونا شايف ان رمضان بادى بداية
حلوة ..وربنا يعين الجميع على الباقى صياما و قياما ...ويصبر المتجوزين
فيه على بلواهم ...ويجعل جوازهم كفارة ...يا رب يا كريم
مشكلة الشعر
الابيض مشكلة متأصلة فى الشعب المصرى حتى فى السن الصغيرة ...تلاقى الشاب
اول ميعدى العشرين او على اقصى تقدير الخمسة و عشرين ...شعره بدأ يضرب فيه
البياض ..طبعا الشاب نفسه الصفار اللى يضرب فى شعره عشان يكون زى بتوع
اوروبا ..بس احنا واوروبا فين ..ابتسم انت فى ارض الكنانة ...وتلاقى الست
لسه فى اوائل الثلاثينات من عمرها وبدأ الخصلات البيضا تنور فى مفرق الشعر
..طبعا الراجل يتحسر على شبابه اللى راح وعلى اللى دفعه فى المودام
..ويقول فى نفسيته ميت الف جنيه دفعتها وفى الآخر تيجى لى حرمة
عجوزة..يارب انا جايب شابة و لا شايبة ..ومن هنا تبدأ الأفكار المهلبية
تلعب فى دماغه و تنخور فى جذع المخ ومنه الى الحجاب الحاجز ..مش عارف ايه
العلاقة بس اكيد الطب اتقدم و هيثبت ان فى علاقة بينهم ..
مش هطول
عليكم علشان الصيام و توابعه ...وهديلكم النهاردة وصفة سهلة و جربتها فى
عدد من الزوجات اللى طفشوا ازواجهم ..قصدى اللى شعرهم ابيض بدرى ....دى
بترجع لون الشعر الطبيعى بالتدريج..وعلشان اكون صادق معاكم ..نسبة نجاحها
من سبعين لتمانين فى المية ...يعنى كل عشرة جربوها نفعت مع تمانية منهم او
منهن ..ودى فى مقياسى مقياس حكمتر نسبة جيدة جدا ....
تتكون التركيبة من التالى
ملء فنجان مريمية مجففه
ملء نصف فنجان حصا لبان مجفف
3 لتر ماء
ضعى
الماء على نار هادية جدا و اضيفى الاعشاب ....اتركيها على النار لمدة نصف
ساعة ....ثم اتركى الاعشاب تنقع فى الماء لمدة 12 ساعة ...صفى الأعشاب
...وخدى السائل الناتج ..ضعيه فى زجاجة واستخدميه كغسول للشعر فقط و ليس
الفروة ..يوميا لمدة شهر ....لاحظى تغير لون الشعر ..استمرى اذا اعجبتك
النتائج للحصول على اللون الغامق المطلوب
*لا تستخدمى السائل على الفروة لانها قد تمتص وتسبب اعراض المريمية و حصا اللبان المنبهة جدا
*طبعا قد تحتاجى ان تعملى كمية جديدة لان السابقة لن تكفيك
*لاحظى الفرق و سجلى النتايج
واتمنى ان اتلقى نتائجكم اولا باول و شكرا لكم
وصوما متقبلا
د.حكيم زمانه



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
yara
عضوجديد
عضوجديد


عدد الرسائل : 68
تاريخ التسجيل : 14/06/2008

مُساهمةموضوع: رد: الأعشاب ...و الشعر الأبيض   الخميس سبتمبر 25, 2008 1:37 am

الله يخليك يا دكتورنا يا عبقرى ....استخدمها لمدة كم؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: رد: الأعشاب ...و الشعر الأبيض   الجمعة أكتوبر 31, 2008 3:57 pm

شهر على الاقل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
الأعشاب ...و الشعر الأبيض
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات الشعر-
انتقل الى: