حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 ماسك الاجازة....للشمس و السمار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: ماسك الاجازة....للشمس و السمار   الإثنين سبتمبر 08, 2008 6:40 pm

طبعا
آخر الاسبوع ..فى الويك اند على راى مبيقولو..بتكونى قضيتى ساعات طويلة فى
الشارع والشمس عملت شغلها المتين ..سمار وحلاوة..قصدى و غمقان ...و راح
اللى كان ..وتبصى لنفسك فى المرايه ..فين حنان بتاعة زمان ؟؟اللى كانت
بيضا من غير دهان ..وكان وشها جنان ...ثم تذرفى دموع الندم على المنيل
شعبان ...اللى خطفك يا ولداه من افخم مكان ..عشان يسيبك تخرطى ملوخية
...وتحشى بتنجان
بس دى سنة الحياة ...يا حنان...ولو مكانشى جه
شعبان كنتى فضحتى الدنيا ..وهربدتى هدومك من العياط...وشعرك من الانفعال
شاط....وكل شوية مجاش العريس مجاش التعيس قصدى العريس...لحد مشعبان جه و
قلنا الحمد لله عقلت ...بس واحسرتاااااااااااااه...وياريتك يا شعبان...لا فكرت فى يوم ...و لا شفت حنان
طبع شعبان كان مفكر باة انه متجوز مادلين مونوروف..طلعت عبوة مولوتوف...جلد حرباية و شعر خروف....والله يرحمك يا شعبان
ماسك
انهاردة خفيف خالص و سهل جدا ....تستخدميه كدة كل اخر اسبوع ..علشان الطين
..قصدى السمار يخف شويه ...و الالتهاب ده يروح ..وشك بقى عامل زى الكورة
الشراب...وارحمى الراجل المرمى جوة ده ..تكسبى فيه ثواب ..فى الايام
المباركة اللى احنا فيها دى ...
الماسك بيعتمد على التقشير االطبيعى
اللى اتكلمنا عليه قبل كدة مع عامل مبيض فيتامين سى فى عصير الليمون ..مع
عامل مضاد للالتهاب اللى هوة جل الصبار الطبيعى الرائع العسل و البيض
...مع ماص للشوائب و الدهون اللى هوة نشا الذرة ...
يتكون من الاتى :
خمس معالق كبار جل صبار طازة
بيضة واحدة
نصف تفاحة مطحونة كويس
نصف معلقة صغيرة عصير ليمون
معلقة ونص لبن رايب
نشا درة كميه كافية للقوام السليم
*اضربى البيضه مع الصبار كويس لحد ميمتزجو
ضيفى الليمون و اللبن وامزجى جيدا
اضيفى التفاح و امزجى
اضيفى النشا للحصول على قوام مظبوط
ضعيه شويه فى التلاجة لحد ميبرد
افرديه على وجهك ورقبتك ..واتركيه زى متحبى ..واشطفيه بماء بارد
كرريه ..مرتين اسبوعيا ...للتفتيح و التخلص من السمار اللى طفش الراجل
..ماسك سهل وكل مكوناته موجوده عشان متزعليش يا ياسمين ...
شكرا لكم
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
yosra



عدد الرسائل : 44
تاريخ التسجيل : 13/06/2008

مُساهمةموضوع: رد: ماسك الاجازة....للشمس و السمار   الخميس سبتمبر 25, 2008 9:38 pm

جمييييييييييييييييييييييل روعة تحفة ههههههههههه اقول ايه تانى بس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ماسك الاجازة....للشمس و السمار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات البشرة-
انتقل الى: