حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 شعبان و حنان و البواسير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: شعبان و حنان و البواسير   السبت سبتمبر 13, 2008 3:46 pm

عم شعبان دخل المكتب ...اصله موظف فى مصلحة حكومية ..طبعا لا شغل و لا مشغله ..يدخل يطلع الجرنان ..آه الجرنان هوة اسمه كدة فى المصالح الحكومية..طلع الجرنان ..وجاب صفحة مشكاح وريمة ..وقلب على سوق الجبنة القديمة..و عمود اللى مش عاجبة يحط فى دى طينة و دى عجينه للكاتب المؤلف الموهوب جهلان الغيبيوى..معجبوش المقال ..الراجل بيتكلم عن التفزلك الطبقى فى عهد بن سحلول..راح قالب على سوق العوكارات..لقى خبر ((عبده نط من الخامس و مات ))قال يخرب بيتك يا عبده..طب نط من الرابع علشان المطلع ...راح قالب على صفحة العوانس ..لقى الخبر المؤثر جدا ...طالبه جامعية تقع فى حب كلب ...قال كلب ؟؟يا نهار ازرق و مشخبط..والشباب راحو فين ؟؟كمل الخبر آه ده كلب ثرى كان صاحبة مريورير ..فكتبله الوصية كلها ..لانه كان بيحيه موت ..فطبعا الشباب معندوش حد يكتبله حاجة ..ولو فى برضو مش هيكتبله لانه مش وفى زى الكلب..
فجأة عم شعبان ..حس بالم فى مركز الاتكاء على الكرسى ..قال ..تانى؟؟منا كنت لسه بالامس الكريب عند دكتور مراكز الاتكاء ..والدكتور قاله يا عم شعبان حرام عليك..بلاش قعدة كتير على الكراسى الميرى دى ..بتجيب الباسور..بس هيعمل ايه الراجل مهو فيش غيرها ..حديد فى حديد و يفعل الله ما يريد...الراجل مقدرشى ..وقال لااااااااا..دى العمليه زادت خالص ...لازم اروح مركز المراكز الاتكائية ...بعد ماكل سندوتش الشطة ...و الطعمية ..عم شعبان اصله محتاج ...توعيه
البواسير من اكتر الامراض فى الشعب المصرى فى هذا الزمن ..لان الشعب المصرى ..لا بياكل صح و لا بيشرب صح و لاحتى بيقعد صح ..اكله مفيهوش الياف و لا خضروات ..يجى الامساك يقضى على مستقبل الزبون الاتكائى الحر...طبعا الحجة حنان هاريه الراجل شطة و حراق فى المحشى و المشوى و المقلى ..لما الراجل قرب يطير ..اشعال ذاتى باة ..وطبعا لا خضار و لا يحزنون ..ممكن يحزنون احيانا بس مفيش خضار ..وعماله تقربع جبس ..قصدى بيبس..وده من مسببات الامساك راخر ..حتى الكرسى بتاع عم شعبان ..مفيهوش اى حنان ..
طبعا البواسير مراحل و درجات ...تبرز ثم تلتهب ثم تكون صديد و تبقى فى منتهى الخطورة ...لازم تراجع الطبيب ابتداء علشان تعرف دى بواسير و لا لأ..طبعا الطبيب المختص ..وتتبع التعليمات اللازمة ..ونا هساعدك برضو وهديلك تركيبة مخيبتشى ظنى ابدا فى معظم حالات البواسير ...التركيبة دى ابتكار و الله ...وجربتها على عدد كبير من المصابين بالبواسير وهم كثرة فى بلدنا العزيز..ولله الحمد النتائج ممتازة..ركزو معايا
التركيبة مكونة من :
50 جم مر ..وده اعظم حاجة تتعامل مع الانسجة كلائم ومضاد حيوى و معجل لتكوين النسيج الابيثيليوم ..بيسموه الكورتيزون الطبيعى يعنى رائع فى المجال ده
15 جم نعناع بلدى ....مضاد للالتهاب و البكتريا وملطف للالتهاب
500 مل زيت زيتون نقى
200 جم شمع نحل
نطحن الاعشاب خفيف جدا.....نضعها فى الزيت ....ونضع الزيت فى حمام مائى لمدة 3 ساعات او على نار هادية جدااااااااااااا لمدة ساعة .....نسيبه يبرد و نصفى الزيت ...مع عصر الاعشاب جيدا
...نضيف الزيت المستخلص لشمع النحل ....فى اناء ستينلس ..ونضعه فى حمام مائى ..حتى يذوب الشمع و يمتزج تماما مع الزيت ...نصبه فى علبه ..ونتركة حتى يتقوم ...
*ضع مكيال بيتادين فى لتر ماء ...و اجلس فيه طبعا الماء الدافى افضل جدا ...طبعا ده تطهير للمكان ...جففه بلطف ..
ادهن الدهان اللى انت عملته ..مرة صباحا ومساء ...و دعه فترة حتى يمتص جيدا ....
*تناول قرص دافلون 500 مجم صباحا و مساء ...وهو ديوسمين طبيعى ..بيسموه فلاونويد جليكوسايد...احنا بنتكلم برضو ...
استمر على هذا البرنامج 15 يوم ..باذن الله ستتحسن جدا ...فى مراحل البواسير الاولى و الثانيه ..وبعض انواع الثالثة ...
اتمنى اكون افدتك يا عم شعبان ....واتقى الله فى الراجل يا حنان .
ملحوظة هامة:فكرة يوميات شعبان وحنان للمهندسة منى يوسف ..علشان كل واحد ياخد حقه ..ومتقلبشى خناقه فى الاخر هههههه
وشكرا لكم
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
شعبان و حنان و البواسير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات علاجية عامة-
انتقل الى: