حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 برنامج التهاب الكبد الفيروسى __2___

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 47
تاريخ التسجيل : 18/05/2008

مُساهمةموضوع: برنامج التهاب الكبد الفيروسى __2___   الجمعة نوفمبر 07, 2008 9:03 pm

اعضاء الجروب الاعزاء .....ازيكم ..اتمنو تكونو جميعا بخير و صحة و عافية
....طبعا لفت انتباهى و انتباه عدد من الاعضاء ..ما كتبة الزميل الدكتور
محمد فى بحوث و تطوير شركة ميباكو ..وقال ان الجروب ده خطير ..فقبل ما
اكمل موضوعنا بتاع امبارح احب اوضح كم نقطة كدة ....
اولا :انا مع
العلم و القاعدة العلمية و البحث قلبا و قالبا ولم اتكلم ابدا عن تركيبة
من غير اساس..لان ده مش اسلوبى و لا منهجى ..وممكن حضراتكم تقرو التوبيك
الخاص بمقدمة فى الاعشاب لابد منها ..
ثانيا :الحمد لله انا متخصص فى
الاعشاب و التركيبات ...بمعنى انى صيدلى و حاصل على دبلوما الاعشاب و
النباتات الطبية و دبلوما الكوزميتيكس اللى هيه تركيبات التجميل من صيدلة
القاهرة ..
ثالثا : الحمد لله عملت مدير بحوث و تطوير فى عدد من الشركات ...مش اول مرة اسمع عن البحوث و التطوير .....
رابعا : المناقشات العلمية و الاعتراضات تحتاج الى بحث و عرض ...مش مجرد القاء تهم
خامسا
:انا لم اتكلم فى الجروب عن منتج ابيعه ...انا اساعد الناس للوصول لتركيبة
سهلة ومضمونة و مجربة بايسر الطرق ...وهذا لا دخل له بالتسجيل او وزارة
الصحة او غيرها ..لما ننتج انا و الاعضاء نبقى نسجل ..
__________________________
اكمل
موضوعامبارح ....كنا تكلمنا عن الاستراتيجيتين الاوليين الخاصتين بموضوع
التهاب الكبد الفيروسى-سى ...و قلنا ان الاولى مهاجمة الفيروس ..و الثانية
تقوية جهاز المناعه ..كطريقة غير مباشرة ايضا لمهاجمة الفيروس ...
الاستراتيجية الثالثة :
***احمى
الكبد :مش بس كفاية اننا نهاجم الفيروس ..لاننا بمهاجمتنا ليه اكيد هيهاجم
بدوره مكان تواجده كناحية دفاعية ...رد فعل يعنى ...فلازم ابقى متخذ
الاجراء الكافى لذلك ...الفيروس لما بيهاجم بيسبب مشاكل فى الكبد ...تليف
وهو ما يبدا فى الزيادة تدريجيا مع تدهور الحالة و ما يعقب ذلك من اعراض
مصاحبة ..كالنزيف و الاستسقاء ...ازاى احمى الكبد :
1-عشبة شوك الجمال
...بيسموها الكعيب ..او السيليبيوم ودى عشبة تنمو عى حافة الترع وموجودة
فى مصر بكثرة وزرعتها انا بنفسى ...اى حقل تجد فيه قمح تجد على ضفاف
الترعة المجاورة هذا النبات ذو الازهار البنفسجية و الاشواك القاسية
...الجزء الفعال فيه هو البذور ...و قد تستخدم الاوراق و السوق فى السلطات
لنفس الغرض ...طبعا الشركات مش راحمة ...استخلصت المادة الفعالة ووضعتها
فى كبسولات اللى هيه مادة السليمارين ..معظم عشابى العالم المحترمين لا
ينصحون باستخدام مادة واحدة فعالة فى النبات لانها قد لاتكون هى المادة
الفعالة و لا سباب اخرى ..الافضل ان تستخدم البذور كسفوف...رائعة جدا و
طعمها مقبول ...استخدم معلقة كبيرة ثلاث مرات من المطحون ..ده بيحمى انسجة
الكبد من التليف جراء هجوم الفيروس وده مثبت فى اكثر من 50 بحث معتمد حتى
الآن ..
2-الجنطيانا:يسمونها فى الكتب القديمة ..العشب المحب
للكبد...وهو عشب مر ..يستخدم جذوره فى الوقاية من و علاج امراض الكبد
وحمايته من اثر الفيروس ..وهو ايضا فاتح للشهية بطريقة اتكلمنا عليها قبل
كدة ....
3- عرق السوس:يسمونه جد الاعشاب ...وبيستخدم فى الصين فى كل
مشاكل الكبد وفى تركيبات علاج اختلال وظائف الكبد ...و بيجيب نتايج جيدة
جدا مع الجنتيانا فى هذا البرنامج..طبعا لازم نعرف انه بيستخدم بجرعات
محددة ..لانه قد يرفع الضغط و يسبب احتباسا فى السوائل اذا استخدم بطريقة
غير مقننة ...كمان وجدو انه بيحتوى على مضادات للفيروس وفى قاعدة دكتور
دايوك انه احد مضادات الفيروس العشبية ...ولكن الاغلب يستخدمه فى حماية
الكبد و تنشيطة ....
4-الاملج ..وده من اشهر الاعشاب فى الطب الهندى
العشبى ...بيعتبروه عندنا كدة زى حبة البركة وزى الجنسنج فى الصين و
امريكا ...عشبه يستخدم منها الثمار الغضة او المجففة ...من اقوى مضادات
الاكسدة و اقوى الاعشاب على الاطلاق احتواءا على فيتامين سى و غيره ..وفى
الهند يستخدم على نطاق واسع لعلاج امراض الكبد الفيروسية ..و لا يستخدم فى
استراليا الا بروشته عشاب معتمد لانه قوى كعقار عشبى ..يكفى منه يوميا
كبسولة الى اثنين ثلاث مرات يوميا ...من العشب الجاف
بكرة نكما الموضوع الشيق الهام ..اتمنى تكونو بتستفيدوا ...و شكرا لكم
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
برنامج التهاب الكبد الفيروسى __2___
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات علاجية عامة-
انتقل الى: