حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 لوسيون القشرة ..الرهيب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 46
تاريخ التسجيل : 18/05/2008

مُساهمةموضوع: لوسيون القشرة ..الرهيب   الجمعة نوفمبر 07, 2008 9:09 pm

اعضاء الجروب المحترمين ..اسعد الله مساءكم بكل خير ...أتواصل معكم عبر
برنامجى المفضل ...وصفاتى غيرتلى حياتى ...من اعدادى العبد الفقير حكيم
زمانه ..القاطن بدير ابو فتان..و ارجو من السيد احمد ابراهيم ان يتناول
الدواء فان فيه ..جوز مائل ...عشان يعمل دماغ يعنى ...
اشكر يا جماعة
كل الناس اللى شكرونى ...او اثنو على الجروب او الوصفات ...وانا مازلت
اعتبر ان هذا الجروب الحمد لله من افضل جروبز الفيس بوك...العربيه ..اعنى
...ويكفى انه فيه ما يزيد على مية و عشرين توبيك كلهم مفيدة بالفعل ...وده
خلال فترة لا تتراوح اربعه شهور ...وانا بدخل طبعا جروبز كتيرة و مع
احترامى للجميع و للعدد الكبير فيها الا انى زى مبدخل زى مبخرج ...الا
طبعا بعض الجروبز النادرة و المفيدة و بعدين اصل الجروبز اصبحت موضة...و
احد بيحلم بحبيبة القلب تانى يوم الصبح يعمل جروب و يسميها فينك يا حلم
حياتى ...التانى ابنه يتوه يعمل جروب و يسميها حملة البحث عن كوكو...ده
حتى اللى بيضيع له كلب بيعمل له جروب و يسميها ارجع قطعت كلبى عليك يا
ارامنطى ..واحدة قاعدة لوحديها تقوم تحط غلبها فى الفيس بوك و تدشن جروب
لمكافحة الوحدة و تسميهاقتلتنى سهام الوحدة....و ياريت يا جماعة يكون فى
فايدة او تركيز حتى فى الجروبز لان ليس الهدف انى اعمل جروب انى كل يوم
اكلم البشر على الوول ..و الوووو ..انتو فين ...حد يعبرنى ..ده مش الهدف
اطلاقا ...جروب يعنى فايدة مستمرة ..و نقاش بناء ...و تواصل فعال.
__________________
موضوعى
انهاردة جه صدفة ..و احدى العضوات بتطلب منى تركيبة للقشرة لانها محيراها
...فقلت لها بصى فى الديسكشن بورد ...فلما دورت ملقيتش و فوجئت انا الآخر
بذلك فعلا ..ازاى جروب عن الاعشاب مفيهاش موضوع عن القشرة ..الاليت شعرى ..
اللى
عاوز اقوله ان علاج القشرة بالاعشاب كبير جدا لانه من الاعشاب عدد كبير
جدا فعال و مؤثر جدا فى موضوع القشرة بل و اقوى احيانا من الكيماويات
المستخدمة فى ذلك كمضادات الفطريات و الزنك بيريثيون و السيلينيوم سلفايد
..و القار ..و غيره ..وان كان القار منتج طبيعى لا خلاف فى ذلك ...عاوز
اقول الاول ان من اسباب القشرة الرئيسية :
*سوء التغذية
*الافراط فى استخدام الصابون و الشامبو
*العدوى الفطرية و دى نظريه حديثة ومشهورة
*نقص الزنك فى الطعام
*الافراط
فى تغطية الراس فى البيوت ...يعنى حضرتك فى البيت صففى شعرك و سيبيه
علخدود يهفهف بدل منتى كتماه تحت الشرخة القماش طول النهار و البيه عمال
يتفرج على شعور خلق الله على الفضائيات ..حيث الشعور ببلاش ..
***هقولكم
انهاردة تركيبة جميلة للقشرة و مفيدة و فعاله ..و مجربة و ناجحة فى معظم
الحالات اللى صادفتنى رجالا و نساء....و اكرر ليست هذه التركيبة الطبيعية
الفعالة للقشرة ..و لكنها احد اقوى التركيبات الطبيعية ..للقشرة و التهاب
فروة الراس ..
________
ركزو معايا :تتركب التركيبة من الاتى:
3 ملاعق روزمارى مطحون طحنة خفيفة
3 ملعقة زعتر مطحون طحنة خفيفة
3
ملاعق سنامكى((بيسميها العطارين سلامكةوده غلط لانها اسمها مكون من كلمتين
..سنا_مكى..اى نبات السنا الذى اصله من مكة و بدايه زراعته)) مطحون
500 مل ماء مقطر ..او عادى لو مفيش مقطر ..
ببساطة
هنخلط الاعشاب ...و نحطها فى اناء ستينلس مع الماء...و توضع على نار هادية
جدا جدا..لمدة ساعة لحد ميصل الماء للنصف ...نصفيها بامتياز...مش عاوز
بقايا اعشاب نهائيا ..و خلى بالك ونتى بتصفى اعصرى الاعشاب جدا علشان
بيبقى جواها الخلاصة المركزة....هينتج عندك حوالى 200 مل من اللوسيون
...المصفى ..اضيفى له ملعقتين كبار من خل التفاح ..الذى اكرر ليس من عطار
...خل التفاح اللى عند العطارين عبارة عن خل صناعى مضاف اليه نكهة
تفاح...متخلوناش نتكلم ..
ضعى اللوسيون فى زجاجة دواء معتمة ...و
استخدميه دلوكا للراس مرة صباحا و مساء لمدة اسبوع ...طبعا بتتركيه فترة
على الراس و بتشطفيه بعدها بساعتين مثلا ....خلال اسبوع ستنسف القشرة نسفا
..
حقائق علمية :
زعتر يحتوى على الثيمول القاتل للفطريات و المعقم الرائع و المنشط لفروة الراس ..
الروزمارى:السينيول المضاد للاكسدة و المضاد للقشرة و المنشط للفروة ايضا
السنا المكى :يحتوى على الانثراكينون الرائع كمضاد للفطر ...
***التركيبة جيدة جدا ايضا لمنع تساقط الشعر ..
اتمنى اكون بفيدكم ...و مستنى اراءكم و اقتراحاتكم ..و نقاشاتكم وشكرا ليكم
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
لوسيون القشرة ..الرهيب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات الشعر-
انتقل الى: