حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول
شاطر | 
 

 ماسك البشرة الجافة و المقشرة و الحساسة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin


ذكر عدد الرسائل: 350
العمر: 44
تاريخ التسجيل: 18/05/2008

مُساهمةموضوع: ماسك البشرة الجافة و المقشرة و الحساسة   الجمعة نوفمبر 07, 2008 9:11 pm

اعضاء الجروب المحترمين ...صباح الخير عليكم جميعا ...و السلام عليكم
...واتمنى ان تكونو مازلتم متواصلين معى عبر برنامج وصفاتى غيرتلى حياتى
...من اعداد و تقديم و اخراج و تنفيذ حكيم زمانه ...و الا تكونو مللتم من
كتر الكلام و الرغى اللى انا متميز بيه ...اصله ده جين ...بس مش جين
فوندا..جين وراثى ..علشان كدة قلت اقلل جرعة الرسايل لسببين ..السبب الاول
حتى لا تملو من كتر الرغى ..ثانيا حتى يتصفح الجميع الرسايل اللى فى
التوبيكس و التى تتعدى مائة و عشرين رساله بعد الميلاد..وطبعا مازلت اشكر
كل الاعضاء اللى شكرو فى الحاجات اللى جربوها او جربو الحاجات اللى شكرو
فيها ..واتمنى ان تكون الجروب بتحقق فائدة عمليه حياتية حقيقية لانه ده
الهدف من اى جروب او موقع او حتى منتدى ناجح...
___________
طبعا
نظرا لدخول الشتاء يصيب الجلد و البشرة جفاف و تقشر حتى فروة الراس يصيبها
قشرة و ده ما سال عنه بعض الاعضاء عن سبب زيادة القشرة فى الشتاء غالبا
..من احد اهم اسباب جفاف البشرة غسل الوجه بالماء الدافى ثم التعرض للهواء
البارد لانه ده بيفتح المسامات و يزود التبخر للرطوبة الطبيعية للبشرة وده
غايه فى تعريض البشرة للجفاف...كمان استخدام الماركات غير الاصليه من
الميك أب التى تحتوى على مواد كيماوية فى منتهى التجفيف للبشرة
كالريزورسينول وغيره ..لما تشترى اشترى ماركة مشهورة و معتمدة وخلى شعارك
فى التجميل ((الغالى تمنه فيه))دى حقيقة فعلا ...عد استخدام مرطبات او
بسميها حوافظ رطوبه لانها بتمنع خروج الرطوبة الطبيعية المكونة لخلايا
الجلد للخارج عدم استخدام هذه الحوافظ يؤدى الى زيادة جفاف البشرة
...التعرض لاشعة الشمس المباشرة فى وقت ذروة تركز الاشعه الفوق بنفسجية
وده بيكون من 10 صباحا الى اتنين مساء تقريبا يوءدى ايضا الى جفاف البشرة
..عدم تناول كمية يوميه كافيه من الماء ايضا يسبب جفاف البشرة و الجلد
عموما ..ودى طبعا فكرتنى بيها عضوة فى الجروب فكان لازم اقولها كمان مهم
قوى انى اذكر استخدام صابون عالى القلوية او نوع غير جيد ...لان الصابون
ده عبارة عن قلوى +زيت يتفاعلا ليعطيا الصابون اللى بنشوفه ..طبعا ده فى
اغلب الاحيان لان فى طرق تصنيع تانيه ..فى الانواع الرديئة مش كل القلوى
بيتفاعل و يفضل شويه موجودين كمادة قلوية اللى هيه البوتاس ...اه البوتاس
...وده مجفف عنيف للبشرة ..استخدمى صابونه حنينه زى الجلسرين او بروتكس
رقم واحد لو بشرتك جافه او اى نوع جيد و غير مجفف..طبعا فى اسباب اخرى بس
دى اشهر الاسباب...طيب هوة يا حكيم فى مشكله من تعريض البشرة للجفاف
..طبعا تقشير البشرة اى ظهور قشور ..احساسك انها مشدودة وده شىء بيتكرر
جدا فى حالات كتير باشوفها ..وصولا الى ظهور التجاعيد المبكرة لفقد رطوبه
البشرة الداخليه المؤثر على الكولاجين ...وعاوز اقول هنا نصيحة مهمة جدا
..اوعى تصدقى ان كريمات الكولاجين الموضعية اى الدهان هتعيد بناء
الكولاجين عندك ..الكولاجين يبنى من الداخل و يحافظ عليه من الخارج ..طبعا
رغيت تانى كالعادة..سامحينى يا بوبو
__________
هديلكم النهاردة
ماسك ...للبشرة الجافة و الحساسة ..وعاوز برضو اقول ان الماسكات مش حاجة
ترفيهيه دى حاجة كل بشرة محتاجاها على الاقل مرة اسبوعيا ...و على الاكثر
مرتين اسبوعيا ..بس يكون ماسك صح ..تعالو نشوف كدة ..ومتزغريليش يا يا
سمين
يتكون الماسك من الاتى :
نصف موزاية ناضجة ...مقشرة طبعا وده من اقوى المرطبات و المجددات
معلقة صغيرة عسل ابيض نقى وده رائع كمرطب و مضاد للجفاف
معلقة ماء ورد طبيعى ملطف جميل للبشرة
معلقة كبيرة شوفان مطحون ناعم ..من احلى الملطفات فى العالم
ربع معلقة صغيرة زيت جوجوبا المعروف بترطيبة العالى جدا
تلت معلقة زيت جنين قمح طبيعى ...لا خلاف فى فوايد للبشرة الحساسة و المقشرة
طمى مغربى ..كمية قليله لعمل ماسك قوامه يناسبك..منظف و مرطب
***ادعكى الموز باى طريقة حتى يصبح كالكريم فى القوام ثم اضيفى العسل و ماء الورد و اخلطيهم جيدا
***اضيفى الشوفان ثم زيت الجوجوبا و الجنين و اخلطيهم جيدا
***تاكدى
من تجانس المكونات جيدا ..نظفى بشرتك ..وضعى طبقة خفيفة من الماسك
..اتركيه عشر دقائق ...ثم اشطفيه ..و اتبعيه بمرطب لوشن او كريم ..طبعا
الماسك قابل للفساد .زيعنى استخدميه ...طازة بطازة ..مش لوكشة بلوكشة ..
اتمنى تستفيدو ..واىاسئله انا فى القوضة اللى جنبيكو...شكرا ليكو
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 

ماسك البشرة الجافة و المقشرة و الحساسة

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه ::  :: -