حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 سكروب اليدين و القدمين ..و فوز أوباما المبين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 46
تاريخ التسجيل : 18/05/2008

مُساهمةموضوع: سكروب اليدين و القدمين ..و فوز أوباما المبين   الجمعة نوفمبر 07, 2008 9:14 pm

احلى سلام على جروبنا العزيز...أتمنى تكونو جميعا بخير ..وطبعا البلد
فرحانه ..و الفرحه فى عيون الولاد..و برضو الرجاله الشداد...لان حبيب قلبى
اوباما ...بن خالة ماما..فاز...يا سلام ..الآن الواحد يتنفس السوعداء
...كل متعرى هيتغطى ..وكل عانس هتتستر ...افرحى يا خاله ام لولو..و يا ست
ام كركر..اقفل محلك ياد يا بليه ..البليه لعبت ..جاى لك الخير من اوسع
خرومه ..هيشر عليك شر ..هوة شر بس ..الفرحة هتفط من ودانى ..و عينى بترف
...و عقلى خف من زمان ..خلاص باة هننسى الفقر و ايام الفول
...يااااااااااااااااه ..جايلك يا بتزا ..فاكر اتصورت جنبك و نا فى تالته
حضانه ..كنت ايامها طالع الاول على المركز..قبل ميبقى فى مراكز..بس برضو
طلعت ..ساعتها ابويا الله يرحمه جاب لى علبه كشرى فاضيه هدية ...وقالى
ندرن عليا ياد ياحكيم لو نجحت فى التوجيهيه لاملهالك يله لحد اخرها ..و
الحمد لله خدنا التوجيهيه و مليتها ..قال لى املاها ميه من عند الجيران و
خد العربيه برضو بتاعه الجيران وش علشان يفرحو معانا...يا سلااااام على
الفرحة ..افرحو يا عرب ...الخير جاى يجرى ...وربنا يستر و ميدوسناش
دوس..هنتهرى حضاره و تكنلوبيا ,,و احتمال تكنو عدس كمان ..الواحد مش مصدق
يا ناس ..خلاص هننسى ايام البلهارسيه ..و الدودة القاسية ..ولعو فى البيوت
..وغنو و رايا ...يا ما جاب للنملة ..العنكبوت..
______________
كنت
هنسى تركيبة النهاردة من الفرحة ..وبرضو احتفالا بالقشف اللى هيروح و
النعومة اللى داخلين عليها ..هديلكم تركيبة خفيفة جدا ..وحلوة جدا ..علشان
كل ست رجليها محتاجة شوية تزييت ..و تليين وكمان ايديها بعد غسل الصحون و
الذى منه ..و اللى خلاص هنودعه على ايد اوباما بيه الكبير
____
تتكون التركيبة مما يلى :
عصير ليمون كبيرة
2 معلقة كبيرة زيت زيتون
فنجان سكر خشن
ربع كوب لبن حليب طازة
معلقة صغيرة مطحون القرفة الخشنه شوية
زيت ليمون اساسى اربع نقط فقط او خمسة
**اضيفى
عصير الليمون للحليب ..ثم اضيفى له زيت الزيتون ...اخلطى جيدا ...ثم اضيفى
السكر و القرفة و اخلطى ...ثم اضيفى نقاط زيت الليمون ..معاكى الان سكروب
فوق الرائع لليدين و الرجلين ..هتفركى رجليكى جيدا ..وايديكى برضو لحد
متصلى للنعومة المطلوبة ...ثم تشطفيها بميه دافيه ..وتجففيها ..خلى بالك
التركيبة فيها زيوت ..لما تستعمليها فى الحمام خلى بالك من السيراميك
..هتلاحظى نعومة و ليونه ممتازة فى قدميك و رجليك ..و يا سلام لو تستخدمى
بعده دهان التشققات اللى ادينا قبل كدة ..هيكون برنامج تحفه ..
كل عام وانتم بخير ..و الف مبروك لينا الفوز..وبكرة نقعد على الحيطة ..ونلخبط اللخبيطة
شكرا لكم جدا
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
سكروب اليدين و القدمين ..و فوز أوباما المبين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات الجسم-
انتقل الى: